Pas 11 ditësh pritje, Roma ka zyrtarizuar transferimin e talentit 19-vjeçar, Justin Kluivert. Verdhekuqtë kanë përfunduar të gjitha detajet e marrëveshjes me Ajaxin dhe për sulmuesin ka paguar 17.5 milionë euro, plus 250 mije euro si bonuse. Justin Kluivert i cili është edhe i biri i një legjende të futbollit holandez Patrick Kluivert ka firmosur një kontratë 5-vjeçare, ndërkohë që në marrëvshjen mes klubeve është përfshirë edhe një klauzolë, në rast shitje të lojtarit tek ndonjë tjetër klub 10% e shumës do t’i kalojë Ajaxit.
Sulmuesi u shfaq shumë entuziast për aventurën e tij të re dhe pret me padurim startin e kampionatit. I kënaqur për realizimin e këtij transferimi është edhe drejtori sportiv i Romës, Monchi duke e cilësuar talentin holandez si një prej lojtarve me premtues të futbollit europian, teksa shtoi se skuadra në ditët e ardhshme do të bëjë edhe prezantime të tjera.
Përgjatë sezonit të fundit me fanellën e Ajaxit, Kluivert në 44 ndeshje të luajtura mundi të shënonte 12 gola.