Në këtë sezon të Ligue 1 në Francë, skuadra e Reims aty ku aktivizohet edhe sulmuesi i Kosovës, Arbër Zeneli, është duke zhvilluar një paraqitje pozitive teksa aktualisht është në kuotën e 12 ndeshjeve pa humbje. Forma e mirë u reflektua edhe në sfidën e fundit të kampionatit, atë ndaj PSG ku dolën të pamposhtur nga përballja me kryeqytetasit me ndeshjen që u mbyll në barazim 1-1.
Një meritë të madhe për rezultatatet pozitive të Reims padyshim ka edhe trajneri Will Still, i cili sapo ka mbushur 30-vjecc. Ai në fakt, ende nuk zotëron një licencë profesionale dhe profesionin e trajningut e ka nisur prej pasionit për lojën Football Manager. Por, ky fakt i sjell një dëm prej 22.000 paundësh klubit të Reims sa herë Still drejton skuadrën në vijën anësore të fushës.
Gjithsesi, duke parë suksesin e skuadrës që këtë sezon renditet në vendin e 11-të me 26 pikë, duket se drejtuesit e kanë vendosur të mos ndryshojnë taktikë dhe të vijojnë të paguajnë gjobat vetëm për të vendosur në plan të parë rezultatet e ekipit në fushë.
