Një javë pas humbjes së papritur në fushën e Vitesses Ajaxi i Amsterdamit iu imponua me rezultatin e thellë 4-1 Heerenveenin në “Amsterdam Arena” duke përfituar edhe nga humbje e thellë 5-0 e një dite më parë e PSV-së në fushën e Willem II. Pjesa e parë u mbyll 1-1, pasi golit të De Light iu përgjigj talenti norvegjez Odegaard. Gjithsesi “harkëtarët” shënuan edhe tre gola të tjerë në fraksionin e dytë me autorë Tagliafico, van de Beek dhe Neres. Tashmë diferenca mes Eindhovenit dhe Ajaxit është 7 pikë.
Në takimet e tjera Feyenoordi mposhti 2-1 Alkmaarin, Utrechti shkatërroi 5-1 Vitessen, ndërsa Groningeni fitoi 2-0 me Zwollen.
