Nisi me dy fitore vendase java e 7-të e IPKO Superligës së Kosovës. Frymarrje për Gugash Maganin me Trepça ’89 që u rikthye te sukesi pas 2 barazimesh radhazi duke regjistruar fitoren e dytë sezonale. Në stadiumin Riza Lushta në Mitrovicë, bardhëjeshilët mposhtën 1-0 Ferizajn në një ndeshje të cilën Trepça ’89 e luajti për rreth 60 minuta më një lojtar më shumë pas daljes me karton të kuq të Granite në minutën e 34-t për miqtë. Vendosi gjithçka goli i Renato Hyshmerit ish lojtarit të Partizanit dhe Tiranës që tashmë luan për skuadrën nga Mitrovica.Goli i minutave të fundit të pjesës së parë i Hyshmerit i dha tre pikët skuadrës nga Mitrovica që me këtë sukses u ngjit në kuotën e 9 të tillave. Fitoi edhe Drenica që në shtëpi kaloi 2-1 Ballkanin.Autogoli i Uran Shalës në pjesën e parë dhe finalizimi i Kreshnik Ukës në minutën e 54-t i dhanë avantazhin e dyfishtë Drenicës ndërsa për miqtë golin e vetëm e realizoi Jetmir Topalli në të 76-ën. Me këtë fitore Drenica u ngjit në kuotën e 12 pikë dhe aktualisht ka vetëm 2 pikë më pak se kryesuesit e Feronikelit.
