Lyon është gati të mirëpresë sulmuesin e Chelsea-t, Olivier Giroud, në rast se francezi largohet nga “Stamford Bridge” në fundin e këtij sezoni. E ardhmja e 32-vjeçarit është ende e paqartë, pasi kontrata e tij me “Blutë” përfundon në fund të këtij sezoni dhe ende nuk i është ofruar rinovimi.
Për këtë arsye, francezët janë gati t’i ofrojnë sulmuesit 3.5 milionë euro në sezon, shumë që ai e përfiton aktualisht te Chelsea, plus një vend në formacionin titulluar. Aktualisht Lyoni renditet i treti në Ligue 1, pozicion që sezonin e ardhshëm i garanton atyre një vend në Ligën e Kampionëve në sezonin e ardhshëm, një kompeticion që vështirë se Giroud do të refuzonte të luante.
