Në Itali po vijnë gjithnjë e më shumë konfirmime se Antonio Conte do të ulet në stolin e Interit, duke filluar nga kjo verë, për të zënë vendin e trajnerit aktual, Luciano Spalletti.
Ky i fundit u pyet edhe mbi këtë çështje në konferencën e sotme për shtyp, në prag të ndeshjes që do të luhet nesër në mbrëmje në “San Siro”, përballë Chievos.
“Nuk po mendoj aspak për të ardhmen time, por vetëm për ndeshjen ndaj Chievos, të cilën duhet ta fitojmë patjetër, pasi na duhen pikë që të realizojmë objektivin. Nuk duhet të shpërqendrohemi, por të mendojmë vetëm të çojmë Interin në Champions”, tha Spalletti para ndeshjes.
