Armando Sadiku rikthehet te goli pas një mungese të gjatë. Sulmuesi i kombëtares shqiptare shënoi golin e parë në barazimin 3-3 që regjistroi Lugano në javën e fundit të kampionatin zviceran ndaj Grasshoppers. Një barazim që i vlejti shumë skuadrës së Sadikut, pasi me pikën e marrë Lugano e mbylli Superligën zvicerane në vendit e 3-të dhe u kualifikua direkt në grupet e Europa League për sezonin e ardhshëm ashtu siç ndodhi edhe dy vite më parë me Sadikun që edhe atëherë ishte pjesë e bardhezinjëve madje trajner ishte Paolo Tramezzani. Gjithçka u vendos me goleavarazh pasi Lugano e mbylli kampionatin me pikë të barabarta me 3 skuadra të tjera si Thun, Luzern dhe St Gallen që mbeti jashtë Europe. Përsa i përket Sadikut ky ishte goli i tretë me fanellën e Luganos, me elbasanasin që mbylli në mënyrën më të mirë një nga sezonet më të vështira të karrierës së tij, por tashmë Sadiku është gati për të lenë shenjë në ndeshjet ndaj Islandës dhe Moldavisë me kombëtaren shqiptare.
