Laçi e gjen menjëherë pasuesin e Ndriçim Shtubinës sepse vetëm pak minuta pas zyrtarizimit të largimit të futbollistit shkodran, ka bërë publik afrimin e sulmuesit anësor Flosard Malçi i cili ka firmosur një kontratë afatgjatë me klubin kurbinas.
I lindur në Laç, 24-vjeçari ka luajtur gjatë gjithë karrierës së tij në Greqi, për shumë skuadra të ndryshme. Treglia Rafinas, Ilsyakos, AO Glyfalda dhe AEK-u i Athinës janë vetëm disa nga skuadrat me të cilat Malçi është aktivizuar.Te skuadra e Laçit, sulmuesi ka nënshkruar për tre sezone dhe shihet si një nga lojtarët kyç për planet e kurbinasve.
