Ëndrra e një futbollisti gjerman, por jo vetëm, është që një ditë të luajë për gjigantët e Bayernit të Mynihut, por nuk është ky rasti i Timo Wernerit. Goleadori i Leipzigut prej shumë kohësh është përmendur si një objektiv i deklaruar i bavarezëve, por në një prononcim të dhënë së fundmi ai ka refuzuar hapur transferimin tek kampionët e Gjermanisëm duke pranuar se dëshiron të luajë në një klub të madh, por jo në Gjermani dhe jo tek Bayerni. Këto fjalë duket se kanë provokuar së tepërmi drejtorin ekzekutiv të klubit nga Mynihu, Karl Heinz Rummenige.
“Të them të drejtën, në epokën ku po jetojmë nuk më befason më asgjë, por për të qënë i sinqertë nuk kam dëgjuar ndonjëherë një deklaratë të tillë që i përgjgijet zërave të merkatos.”
Vitin e fundit është përfolur shumë për të ardhmen e Timo Wernerit. Sulmuesi gjerman, që në këtë sezon ka realizuar 27 gola në 36 ndeshje mes kampionatit, Kupës dhe Champions League-s ka një klauzolë Largimi prej 60 milion eurosh në kontraëtn e tij me Leipzigun. Klubi që duket më pranë shërbimeve të tij është Liverpooli, teksa dera e Bayernin tashmë është mbyllur krejtësisht.
