E marta ishte dita e Cristiano Ronaldos te Juventusi. Sytë e të gjithëve ishin te kampioni i madh portugez i cili u rikthye në qëndrën stërvitore të Juves në Continassa pas më shumë se 2 muajve mungesë. Ronaldo i cili kishte lënë Italinë në datën 8 mars menjëherë pas fitores ndaj Interit, është parë sërish në qëndrën stërvitore të Juventusin në orën 9:21 të mëngjesit për të nisr stërvitjen individuale në terrenet stërvitore të klubit, në pritje të seancave stërvitore kolektive në grup. CR7 u kthye në Torino në fillim të majit dhe pas 2 javësh karantinim në shtëpinë e tij, tashmë e pret një ditë intensive me teste dhe vizita mjekësore dhe menjëherë sa të marrë ok-in mund të punojë me shokët. Nuk do të jetë e vështirë që Ronaldo të fitojë formën optimale duke patur parasysh faktin që edhe gjatë qëndrimit në Madeira e ka mbajtur veten në formë.
