Parma triumfoi me rezultatin e thellë 1-4 në transfertë ndaj Genoas dhe me tre pikët e marra u ngjit në vendin e shtatë të renditjes, duke e bërë edhe më interesante garën për një vend në Kupat e Europës.
Sulmuesi danez Andreas Cornelius ishte heroi i skuadrës emiliane pasi shënoi dy gola në pjesën e parë dhe një në të dytën, duke vendosur fatin e sfidës dhe duke marrë në shtëpi topin e ndeshjes.
Genoa vuajti jo pak lojën e kundërshtarëve dhe në pjesën e parë gaboi edhe një penallti me kapitenin Crisito, ndërsa Iago Falque shënoi golin e vetëm para se Kulusevski të vulosë rezultatin 1-4 në favor të Parmës.
Në sfidën tjetër të mbrëmjes, Torino mposhti Udinesen me rezultatin minimal 1-0, falë një goli të shënuar nga sulmuesi Andrea Belotti në minutat e para të takimit.
