Luka Jovic do të largohet së shpejti nga Real Madridi për t’u transferuar në formë huazimi tek Eintracht Frankfurti, skuadra që e shiti te “Los Blancos” në këmbim të 60 milionë eurove. Gjashtë muajt e ardhshëm, sulmuesi serb do të luajë tek ekipi që e bëri të njohur, pasi dëshiron të ketë minuta në këmbë për të kapur formën e dikurshme.
Marrëveshja është mbyllur praktikisht, megjithëse mungojnë disa detaje që largimi i tij të finalizohet. Me Eintrachtin Jovic pati një sezon të shkëlqyeshëm 2018-19, duke bërë përshtypje në kontinent me 27 gola, shifrat që e ndihmuan të nënshkruante me Real Madridin atë verë. Largimi i Jovicit e lë Marianon si alternativën e vetme për pozicionin e numrit 9 të pastër, që mbahet nga Karim Benzemasa.
Këtë sezon Jovic ka luajtur vetëm 200 minuta mes katër ndeshjeve të LaLigas dhe një në Champions League.
