Nedim Bajrami shënon golin e tij të gjashtë në këtë sezon në Serinë A. Futbollisti i Kombëtares Shqiptare, pjesë e Empolit në elitën e futbollit italian e tundi rrjetën në minutën e 72-të të sfidës me Romën, e cila u mbyll me fitoren 2-4 të skuadrës së drejtuar nga Mourinho.
Në fakt, finalizimi i Bajramit ishte i fundit i ndeshjes, në minutën e 72-të pas bashkëpunimit me Henderson, dhe më shumë vlejti për të përmirësuar shifrat në aspektin personal, pasi skuadra toskane nuk pati forca për të shënuar gola të tjerë. Roma. Në fakt, e kishte mbyllur ndeshjen në pjesën e parë, pasi kishin shënuar Abraham dy herë, Oliveira dhe Zaniolo.
Para se të shënonte futbollisti kuqezi, për Empolin kishte realizuar Pinamonti. 22-vjeçari u aktivizua titullar nga trajneri Andreazzoli dhe qëndroi në fushë deri në vërshëllimën e trefishtë të kryesorit. Përveç golave në kampionat, Bajrami e ka tundur rrjetën në dy raste edhe në Kupën e Italisë, duke u konfirmuar pjesë e rëndësishme e skuadrës së Empolit.
