Daley Blind prishi kontratën në mënyrë të befasishme me Ajaxin dhe menjëherë firmosi me gjigantët gjermanë të Bayernit të Mynihut, teksa në një intervistë për mediat holandeze, zbuloi edhe shkaqet e divorcit me klubin nga Amsterdami.
Mbrojtësi me eksperiencë deklaroi se kishte bërë fjalë me trajnerin Alfred Schreuder në një ndeshje në muajin tetor dhe që atëherë kishte përfunduar në pankinë, teksa nuk i kurseu akuzat edhe për ish sulmuesin e Holandës, Klaas-Jan Huntelaar.
“Unë dhe trajneri Schreuder debatuam në pushim të ndeshjes ndaj RKC Waalvijk dhe që atëherë unë përfundova në zgjedhjen e tij të katërt, duke mos e parë më fushën. Ky ishte shkaku kryesor i largimit, ndërsa Huntelaar nuk ia fal faktin që më vuri kundër me tifozët e Ajaxit”, deklaroi Blind.
