Emre Can i është gjithmonë mirënjohës Juventusit. Jo vetëm për përvojën e tij te bardhezinjtë në fushat e Serisë A. I intervistuar nga DAZN, mesfushori zbuloi se kishte zbuluar se kishte kancer në tiroide në vitin 2018 falë testeve mjekësore të kryera për transferimin falas nga Liverpooli në Torino. Kontrolle që bënë të mundur identifikimin trajtimin në kohë të sëmundjes
“U jam jashtëzakonisht mirënjohës mjekëve: disa muaj pas vizitave mjekësore me Juven më thirrën. As që e dija se çfarë po ndodhte, nuk kisha dëgjuar kurrë për një tiroide dhe nuk e dija se kisha tumor. Transferimi në Torino ia vlejti vetëm për këtë.
Më tej, Emre Can shpjegon:
“Kisha kancer në tiroide dhe kisha nevojë urgjente për një operacion. Kjo ngjarje e ka ndryshuar shumë jetën time. Mund të kesh shumë para, mund të kesh gjithçka, por shëndeti është gjëja më e rëndësishme. Është pjesë e jetës, i këshilloj të gjithë të bëjnë disa kontrolle. Nuk ka rëndësi sa të shëndetshëm besojmë se jemi; nëse i zbulojmë këto gjëra në kohë, ne mund të shërohemi”.
Fjalët që pas vdekjes tragjike të Mihajlovicit dhe Viallit bëjnë edhe më shumë zhurmë dhe godasin thellë. Pa kontrollet e thelluara kur po transferohej në Torino, në fakt, Emre Can ndoshta do ta kishte vënë re vonë tumorin. Ndoshta shumë vonë për ta përballuar atë me të njëjtën forcë dhe efektivitet.
