Në emisionin e radhës “Analizë Kuqezi” të gazetarit Sokol Xhihani, mes shumë temave që lidhen me futbollistët shqiptarë që luajnë jashtë Shqipërisë u analizuan statistikat e tre lojtarëve të kombëtares, të Kristjan Asllanit dhe Ardian Ismajlit, që luajnë në Serinë A respektivisht me Interin dhe Empolin, si dhe të Ivan Balliut, pjesë e Rayo Vallecanos në La Liga.
Trajneri i Interit, Simone Inzaghi, në fund të suksesit në fushën e Fiorentinës, ku vendosi goli i Lautaros, falë krosimit të Asllanit, tha se futbollisti kuqezi e shënoi “golin” e tij për faktin që luajti një ndeshje të plotë, duke e përballuar në aspektin fizik.
Për Asllanin ishte asisti i parë në këtë sezon.
Paraqitje e jashtëzakonshme ajo e Ardian Ismajlit përballë Empolit. Mbrojtësi kuqezi arriti një rekord personal me 126 prekje të topit, nga të cilat 90% efektive dhe 103 pasime me saktësi 97%.
Paraqitje e mirë edhe e Ivan Balliut në ndeshjen mes Real Sociedadit dhe Rayo Vallecanos në La Liga. Mbrojtësi i krahut, një lojtar fiks në formacionin e Rayos, vazhdon të japë siguri në krahun e djathtë në të dyja fazat e lojës.
