Chelsea dhe Ross Barkley janë ndarë mes tyre me konsensus. Mesfushori anglez kishte edhe një vit kontratë me klubin londinez, por nuk ishte më pjesë e planeve të Thomas Tuchel dhe tani ka dalë lojtar i lirë.
28-vjeçari, autor i 33 ndeshjeve dhe 6 golave me kombëtaren angleze, u ble nga Chelsea për 16.8 milionë euro nga Evertoni në verën e vitit 2018. Ai shënoi 12 gola gjatë aventurës në “Stamford Bridge”, teksa fitoi tre trofe.
“Duam të falënderojmë Ross për kontributin e dhënë te Chelsea. I urojmë suksese në pjesën e mbetur të karrierës”, lexohet në komunikatën zyrtare të klubit anglez.
Barkley e kaloi sezonin e fundit i huazuar tek Aston Villa, ndërkohë që nga kontrata me Chelsea ai përfitonte rreth 200 mijë paund në javë.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?