Trajneri i përkohshëm i Flamurtarit Luan Birçe e komentoi kështu humbjen ndaj Kukësit ndërsa në mikrofonin e Supersport foli edhe për të ardhmen e tij në stolin e kuqezinjëve.
Të vjen keq për këtë humbje?
Dominuam në përqindjen më të madhe lojën, futbolli do dhe fat. U përpoqëm, krijuam raste. Edhe pse patëm mungesa, i përgëzoj çunat për atë që dhanë në fushë. Është ndeshja e dytë që luajmë mirë. Edhe takimin e kaluar patëm raste për të fituar. Deri këtu na çon fati. Do shikojmë më vonë. Jam i kënaqur që ekipi është në ngritje. Në pjesën më të madhe, ia lë fatit. Çfarë mund t’i thuash Sukajt apo Ribajt kur gjenden para porte? Bëmë maksimumin, kaq u shpërblyem.
Hodhët 4 sulmues që në fillim në fushë…
Udhëzimet para ndeshjes i kisha që skuadra të qëndronte te harku i mesit të fushës, në distancë 30 metra nga mbrojtja. Kur thyenim aksionet, kjo bënte që të dilnim me forca të shumta.
Jeni gati të mbani vendin e trajnerit?
Është zgjedhje ekskluzive e presidentit kjo. Për mua nuk është problem. Dua të falenderoj me këtë rast edhe Sadedinin, por ndryshimi i trajnerit ka të bëjë me mentalitetin e ekipit. Ndryshimi i trajnerit bëri të ndryshojë edhe mentaliteti.
