Lajm i keq për Manchester United. Mesfushori maroken, Sofyan Amrabat, ka shfaqur probleme fizike dhe do të mungojë për kombëtaren e Marokut në sfidat kundër Liberisë dhe Burkina Fasos, të vlefshme për eliminatoret e kupës së Afrikës. Sipas “Daily Mail”, lojtari është lënë jashtë skuadrës për shkak të problemeve fizike.
Nuk dihet ende sesa do të mungojë 27-vjeçari, por ky pa dyshim është një lajm mjaft i keq për trajnerin e Manchester United, Eric Ten Haag, i cili e llogariste mesfushorin si pjesë të skemave të tij.
“Dhimbje koke” për trajnerin, që, pas startit të dobët të sezonit, tashmë do t’i duhet të përballet edhe me mungesën e një lojtari të cilin e kërkoi me ngulm në merkaton e verës.
Rikthehen kështu problemet fizike për lojtarin, i cili kishte vuajtur nga një dëmtim edhe në majin e këtij viti, kohë kur ishte pjesë e Fiorentinës.
Lexoni edhe:
- Modric: Kushti im për rinovimin me Realin, e përjetoj futbollin në maksimum
- Një jetë me Realin, legjenda “merengues” gati të marrë drejtimin e ekipit të La Ligas
- Sommer: Te Bayern kalova një periudhë të vlefshme, por Interi më ka dhënë më shumë entuziazëm!
- La fushën në minutën e 25’, Deschamps zbulon gjendjen e Giroud
Sofyan Amrabat iu bashkua klubit anglez në huazim për tetë mln stërlina me të drejtë blerjeje përfundimtare në fund të sezonit për 21 milionë. Ekipi i drejtuar nga Eric Ten Haag nuk e ka nisur në mënyrën më të mirë të mundshme sezonin e ri të Premier League-s. “The Red Devils ” kanë arritur të grumbullojnë vetëm gjashtë pikë në katër javët e para të kampionatit.
