Shqipëria U-19 barazoi në miqësoren e dytë ndaj Maltës U-19 me rezultatin 2-2. Edhe ky takim u zhvillua në stadiumin “Centenary Stadium” teksa Kombëtarja U-19 bëri një tjetër paraqitje të mirë dhe bindëse pas fitores në sfidën e parë me rezultatin 1-0. Golat për Shqipërinë U-19 i realizuan Frederil Tosku dhe Olsi Myrta.
Trajneri Bledi Shkëmbi e nisi me këtë formacion titullar sfidën ndaj Maltës U-19: Gabriel Guri (G), Ersi Bode, Ernesto Bakiu (C), Klaus Kashari, Fabjan Perndreca, Denis Prendi, Kleo Shpuza, Samuele Sina, Muhadin Sulejmani, Frederik Tosku, Drean Vranici.
Ndeshja nisi më mirë për Shqipërinë U-19 që pas dominimit në minutat e para, zhbllokoi takimin në minutën e 18-të me Frederik Toskun.
Kaq mjaftoi për pjesën e parë, teksa në fraksionin e dytë Malta barazoi rezultatin në të 75-ën.
Lexo edhe:
- Zabaleta: Duam të shohim Manajn, nuk ndryshojmë modul, Muçi…
- VIDEO/ Fillim i mbarë me Fodan, Kosova fiton në Armeni, por shpërdoron shumë
- VIDEO/ Nuk ka fitues në “Air Albania”, Shqipëri U21-Finlandë U21 mbyllet me porta të paprekura
- U21/ Kosovë heroike, dardanët e vegjël frenojnë Gjermaninë
Shqipëria sërish gjeti forcë të reagonte dhe mori avantazhin në të 89-ën me Olsi Myrtan. Kur gjithçka po shkonte drejt fundit, Malta U-19 barazoi në minutat shtesë (90+7) dhe sfida përfundoi në barazim 2-2.
Dy sfidat miqësore me Maltën U-19 mbyllen me një fitore dhe një barazim për Kombëtaren U-19.