Marseille ngeci në një barazim 1-1 në “Velodrome” kundër Strasbourgut. Skuadra e Gennaro Gattusos gjeti avantazhin që në minutën e tretë, por u befasua nga goli i Sebas në minutat shtesë.
Vendasit humbën dy pikë të rëndësishme në objektivin Champions League, rezultat për të cilin trajneri italian merr përsipër përgjegjësitë.
“Është faji im, ndoshta nuk u tregova mjaftueshëm i aftë. Nuk është hera e parë që ndodh, kështu që jam i shqetësuar.
Lexoni edhe:
- “Kurajë, Sven! Do e fitosh edhe këtë ndeshje”, Mancini: Po lufton si luan
- Barcelona pa sulmuesin brazilian në finalen e Superkupës
- Statistika e veçantë/ Vetëm Virgil van Dijk në nivelin e mbrojtësit kuqezi
- Puna e Mourinhos nuk po bind, dueli me Feyenoordin vendos të ardhmen e portugezit në Romë
U mbrojtëm shumë në pjesën e parë, dhe e pësuam golin në minutat shtesë. Është plotësisht përgjegjësia ime.
E kam të lehtë të them se na mungonin lojtarët kryesorë për shkak të Kupës së Afrikës, por unë nuk jam një tip i tillë. Nuk fshihem pas mungesave.
Sigurisht që na penalizon Kupa e Afrikës, sepse në futbollin modern ndeshjet ndryshojnë pas minutës së 70-të”, deklaroi trajneri kalabrez.