Transferimi i Simon Simonit te Eintracht Frankurt, për të mbajtur rolin e portierit të dytë të klubit gjerman ishte një nga lajmet më të bujshme të vitit që lamë pas.
“SuperSport” mësoi ekskluzivisht se talenti do të bënte një hap të madh në karrierën e tij.
Megjithatë vlen të rikujtojmë se Simoni nuk është i vetmi shqiptar në skuadrën e Eintracht Frankfurt, pasi një ndër portierët e kësaj skuadre është edhe Diant Ramaj.
21-vjeçari me dy shtetësi, kosovare dhe gjermane, u bashkua me klubin gjerman në verën e 2021-shit dhe si për të theksuar se ky i fundit dhe Simoni janë të dy shqiptar, Frankfurt ka publikuar në rrjetet sociale një foto të të dy talenteve.
