Kapiteni i Udineses Rodrigo De Paul vijon të jetë një nga emrat më të lakuar në çdo sezon merkatoje dhe së fundi ka dalë sërish në skenë, si përforcim i mundshëm për skuadrat elitare italiane si Interi dhe Juventusi.
Mediat italiane flasin për një kërkesë prej 35 milionë eurosh nga ana e Udineses, por Drejtori Sportiv i friulianëve Pierpaolo Marino hodhi poshtë mundësinë e shitjes së argjentinasit në merkaton e janarit dhe tha se vetëm në verë mund të negociohet.
“Familja Pozzo (ka në pronësi Udinesen) nuk i shet asnjëherë futbollistët e rëndësishëm në merkaton e janarit. Mund të konfirmoj se De Paul nuk do të largohet tani, por vetëm në verë, nëse do të vijë oferta e duhur”, deklaroi Marino.
