Victor Osimhen do të jetë prioriteti kryesor i Chelseat në merkaton e janarit. Sulmuesi nuk do të ishte kundër një lëvizjeje në Premier League, i shtyrë edhe nga problemet e shumta të Napolit në këtë sezon futbollistik.
Mauricio Pochettino dëshiron të përforcojë organikën me një sulmues qendre pas një starti jo të mirë. Dhe nigeriani i Napolit i plotëson kriteret e teknikut të Bluve të Londrës.
Presidenti i kampionëve të Italisë, Aurelio De Laurentiis, pritet të kërkojë më shumë se 100 milionë paund nga Chelsea. Nëse londinezët arrijnë të paguajnë çmimin e kërkuar në merkaton e dimrit, do të thyenin rekordin e Premier League që e vendosën vetë pak muaj më parë me blerjen të Moises Caicedos nga Brighton.
Lexo edhe:
- E bujshme/ Jasir Asani drejt La Liga-s, SuperSport mëson skuadrën që e kërkon me ngulm
- Dybala: Kritikat? Njerëzit flasin shumë dhe pa lidhje, me Lukaku-n kuptohemi shpejt
- Goli më i bukur i eliminatoreve, Shqipëria konkurron me dy realizime spektakolare
- Skuadra e Inter kthehet në shtëpi pa bërë dush, në “Allianz Sadium” mungonte uji i nxehtë
Chelsea mund të tentojë pistën Osimhen nëpërmjet Kaliodou Koulibaly, me të dy lojtarët që kanë ende raporte shumë të mira. Lojtari që u transferua në verë tek Al-Hilal, është shumë i afërt me nigerianin, pasi kanë luajtur bashkë tek Napoli.
Klubi anglez nënshkroi me Nicolas Jackson në verë nga Villareali. Senegalezi ka shënuar 7 gola për londinezët deri më tani. Pochettino do të marrë një tjetër lajm të shkëlqyer nga infermieria në ditët në vijim, teksa do të rikthehet nga dëmtimi Christopher Nkunku, i cili mund të luajë edhe në qendër të ofensivës.
Sulmuesi shqiptar, Armando Broja është një tjetër alternativë shumë e mirë e Pochettinos. Sidoqoftë, tekniku argjentinas i ka kërkuar me ngulm drejtuesve të klubit finalizimin e marrëveshjes me Victor Osimhen në janar.
