Jo vetëm Kylian Mbappe, Reali i Madridit ka gati një tjetër përforcim fantastik për sezonin e ardhshëm. Alphonso Davies ka kontratë deri në 2025 me Bayern Munich.
Por, anësori i majtë ka refuzuar deri tani propozimet për rinovim. Gjë që detyron gjermanët ta shesin në verë te “Los Blancos”. Për të mos e humbur me parametra zero.
Dëshirë e vjetër e kanadezit për të luajtur në “Santiago Bernabeu”, siç theksoi kohë më parë Nedal Huoseh, menaxheri i tij.
“E duan në Premier League, por edhe Reali e pëlqen. Është normale që gjithë duan ta kenë pjesë të tyren një nga mbrojtësit e majtë më të mirë në botë.
Alphonso bisedon çdo ditë me David Alaba, me të cilin ka krijuar një miqësi të madhe gjatë periudhës që luanin bashkë te Bayerni”.
Bavarezët nuk janë dorëzuar ende në lidhje me rinovimin, por në të njëjtën kohë nuk kanë humbur kohë dhe kanë piketuar pasardhësin e 23-vjeçarit.
Lexo edhe:
- Gasperini: Interi i Inzaghit është një skuadër e kompletuar, por ne nuk kemi asgjë për të humbur nesër
- Synon Koopmeiners, Juventus gati dy “sakrifica” për mesfushorin e Atalanta-s
- Në vitin e fundit të kontratës me Inter, Inzaghi nën vëzhgimin e dy klubeve të Premier League
- Hamilton: Ndoqa instiktet për të zgjedhur Ferrarin, nuk u tregova as prindërve
I përzgjedhuri është Andrew Robertson, “raketa” e krahut të majtë të Liverpoolit dhe kapiteni i kombëtares skoceze.
Lojtari nga Glasgow luan në “Anfield” prej vitit 2017. Me The Reds ka fituar gjithçka dhe mund të tundohet nga ideja për të provuar një aventurë të re.
Gjithsesi, për drejtuesit e Bayernit nuk do të jetë e thjeshtë të arrijnë një marrëveshje. Pasi Liverpooli e vlerëson shumë 29-vjeçarin.
