Girona është surpriza e madhe e këtij sezoni në La Liga. Skuadra katalanase e sheh veten në krye të kampionatit spanjoll pas javës së shtatë. Gjashtë fitore dhe një barazim, me djemtë e Michel që kanë bërë më mirë se Reali dhe Barcelona.
Drejtuesit po zhvillojnë prej vitesh një punë fantastike, pankina i është besuar një eksperti si Michel dhe futbollistët po shkëlqejnë. Duke mbushur tifozët plot ëndrra dhe duke u dhuruar atyre emocione të veçanta.
Lexo edhe:
- Agjenti i Kumbullës thyen heshtjen: Rikthimi? Të mos nxitohemi, por po rekuperohet shpejt
- VIDEO/ Dëmtohet dhe lë në mes ndeshjen e Granadës, Uzuni “tremb” Sylvinhon në prag të Çekisë
- Napoli mbyll çështjen “Osimhen”: Kurrë nuk kemi dashur të talleshim me Victor në “Tik Tok”
- Mbrojtësi shqetëson trajnerin Ancelotti, rrezikon ndeshjen e Champions League
Një ndër lojtarët më të dalluar është Savio Moreira, braziliani i krahut të majtë të sulmit. 19-vjeçari, i huazuar nga francezët e Troyes, është përshtatur shpejt dhe shumë mirë te Girona.
Deri tani numëron dy gola dhe katër asiste në ekipin e ri. Trajneri Michel ka vetëm fjalë të mira për të, teksa impaktin e tij në La Liga e krahason me atë të Vinicius Junior, yllit të Real Madrid.
“Drejtori sportiv e ndiqte Savinhon që në Botërorin U20 të vitit të kaluar. Kishim krijuar përshtypje të shkëlqyera për të, pavarësisht se vinte nga një sezon me PSV-në ku nuk kishte magjepsur askënd.
Kishim ndjesinë se ai mund të ishte lojtari i duhur për ne. Dua të them diçka të madhe: që nga mbërritja e Vinicius Junior në Spanjë, unë nuk kam parë një talent kaq të madh në lojën një kundër një”, theksoi Michel.
Gironën e pret një test i vështirë të shtunën. Në “Estadio Municipal de Montilivi” zbarkon Reali i Carlo Ancelottit. Dueli pritet të jetë i bukur dhe i luftuar.
Girona-Real Madrid, do të transmetohet në SuperSport 1, duke nisur prej orës 18:30.
