Mason Greenwood duket i “rilindur” në Spanjë te Getafe pas huazimit nga Manchester United. Pas gjithë peripecive që kaloi në Manchester, ku u arrestua pas denoncimit të së dashurës për dhunë, sulmuesi është rikthyer të bëjë atë që di të bëjë më mirë. Tetë gola dhe pesë asist me fanellën e spanjollëve në LaLiga, e kanë rikthyer Greenwood në qendër të vëmendjes.
Drejtuesit e United po mendojnë që sezonin e ardhshëm ta mbajnë në skuadër 22-vjeçarin, për të cilin vlerësimin në aspektin sportiv nuk e kanë humbur kurrë. Madje, së fundmi në skuadër është bërë edhe një votim mes lojtarëve për të kuptuar nëse pjesa më e madhe ishte e gatshme ta mirëpriste sërish Greenwood.
Lexo edhe:
- “Jam gati për Europian”, Manaj: Kam rastin që të tregoj veten në miqësore!
- “Besiktasi zgjedhja e duhur”, Muçi: E mendoj veten pjesë të listës, por i takon Sylvinhos
- VIDEO/ Stadiumi kthehet në arenë lufte, dhunohen futbollistët e Fenerbahces
- Calzona largohet nga Napoli, dronat marrin situatën në kontroll te të kaltrit
Nga votimi rezultoi se të besuarit e Ten Hag janë gati të punojnë sërish me anglezin. Por, “ngërcci” vjen nga skuadra e femrave të Manchester United. Vajzat, të cilat janë njohur me mundësinë e rikthimit të Greenwood janë deklaruar tërësisht kundër rikthimit të 22-vjeçarit për shkak të së kaluarës së tij.
Edhe pse duhet theksuar se Greenwood pas hetimit rezultoi se nuk ishte fajtor, madje e dashura e tij i tërhoqi akuzat dhe së fundmi dyshja janë bashkuar sërish bashkë teksa jetojnë në Spanjë së bashku me vajzën e tyre.
