Abissnet Superiore

Tjetër fitore për Laçin, Iskra emëron trajner kampionin e fundit me Vllazninë

Tjetër fitore për Laçin në testet miqësore që ekipi kurbinas po zhvillon në kuadër të përgatitjeve për ndeshjet e Conference League. 48 orë pasi mposhti me përmbysje Gjilanin, ekipi i drejtuar nga Shpëtim Duro iu imponua me rezultat të pastër 2-0 Llapit, në miqësoren e zhvilluar në Strugë.

Fillimisht e tundi rrjetën Spahiu, më pas e vulosi fitoren Ujka në minutën e 80-të. Duhet theksuar se rezultati mund të kishte qenë edhe më i thellë nëse Mazrekaj, kapiteni i ri i ekipit, nuk do të kishte gabuar nga pika e bardhë e penalltisë në pjesën e parë.

Ndeshja e parë mes Laçit dhe Iskras do të luhet më 7 korrik. Kundërshtarët e kurbinasve në raundin e parë të Conference League kanë emëruar sot trajnerin e ri, në fakt një emër shumë I njohur për opinionin futbollistik shqiptar. Bëhet fjalë për veteranin Dervish Haxhiosmanovic, trajner i fundit që ka fituar titullin me Vllazninë në sezonin 2000-2001.

 

 

Të Fundit

EVENTET NË SUPERSPORT

To Top
Evolve Web Agency Evolve Web Agency