Milani pëson tre gola, por arrin të kualifikohet në fazën e 1/8-ave të Europa League. Skuadra kuqezi u mposht 3-2 nga Rennes, në transfertë, por falë suksesit 3-0 në ndeshjen e parë të zhvilluar në “San Siro”, avancon në fazën tjetër.
Tri herë arriti të shënonte Rennes në portën e Maingan me të njëjtin autor, Bourigeaud (dy herë me 11-metërsh, por “Djalli” u kundërpërgjigj fillimisht me Jovic (1-1) e pastaj me Leaon (2-2) për të barazuar përkohësisht rezultatin.
Një humbje pa “zarar” për kuqezinjtë, të cilët patën qetësinë e fitores së thellë të ndeshjes së parë, duke e toleruar disi kundërshtaren franceze.
Kualifikohet edhe Benfica, që barazoi pa gola në fushën e Toulouse, ndërkohë që e kishte fituar 2-1 ndeshjen e parë.
Rezultatet:
Freiburg – Lens 3-2
Qarabag – Braga 1-2
Rennes – AC Milan 3-2
Toulouse – Benfica 0-0
Rennes – Milan 3-2
68′ – Vijon festivali i golave në “Roazhon Park”, Rennes realizon të tretin me penallti (Bourigeaud), 3-2
58′ – Fantastik Leao, rikuperon vetë topin dhe me një “slalom” shënon golin e dytë të Milanit, 2-2.
54′ – 11-metërsh për Rennes: Bourigeaud nuk gabon përballë Maignan, 2-1.
22’ – Barazohet ndeshje. Një pasim i Theo Hernandez kthehet në asist për Jovic, që shënon me kokë, 1-1.
11′- Zhbllokohet pas vetëm 10 mintash lojë ndeshjes mes Rennes dhe Milanit. Goditja e befasishme e Bourigeaud nga jashtë zonës përfundon në rrjetë, 1-0
Trajneri i Milanit, Stefani Pioli, i beson serbit Luka Jovic rolin e titullarit në majë të sulmit në ndeshjen me Rennes, në transfertë, bë fazën e 1/16-ave të Europa League. Një vendim i pritshëm bazuar edhe në rezulatin e ndeshjes së parë, të fituar 3-0 nga kuqezinjtë, dhe në faktin se sulmuesi nuk do të jetë I gatsëm për ndeshjen e radhës në Serinë A, për shkak të kartonit të kuq që mori ndaj Monzës.
Giroud është në stol, sikurse Chukëueze, Loftus-Cheek dhe Okafor.
