Vllaznia ka njoftuar se ka mbyllur bashkëpunimin sot me sulmuesin brazilian Emerson Brito Dos Santos, i cili iu bashkua shkodranëve në fund të verës së kaluar, bashkë me disa patriotë të tjerë të tij.
Sulmuesi pati disa mundësi aktivizimi me kuqeblutë dhe arriti të shënojë edhe një gol ndaj Flamurtarit, por nuk ia doli të bindë trajnerin Jonuz për të qëndruar deri në fund të sezonit me shkodranët.
Emerson nuk ishte pjesë e kuqebluve as gjatë fazës përgatitore në Ohër, ndërsa sot është arritur marrëveshja për ndërprerjen konsensuale të bashkëpunimit mes palëve.
