Southamptoni ka konfirmuar nënshkrimin me sulmuesin Mislav Orsic nga Dinamo e Zagrebit. 30-vjeçari ka rënë dakord për një marrëveshje me kohëzgjatje dy vjet e gjysmë me Southamptonin dhe bëhet blerja e parë e ish-skuadrës së Brojës në këtë dritare merkatoje në epokën e Nathan Jones.
Orsic ishte pjesë e skuadrës së Kroacisë që u rendit e treta në Kupën e Botës 2022 dhe shënoi golin e fitores në finalen për vendin e tretë tretë kundër Marokut.
Trajneri i Southamptonit, Jones, në lidhje me nënshkrimin me Orsic deklaroi: “Mislav është një lojtar i rëndësishëm për skuadrën tonë dhe jam i kënaqur që kemi afruar kaq shpejt. Jam i sigurt se kushdo që ka ndjekur përparimin e tij ose ka parë se çfarë ka arritur në Kupën e Botës do të kuptojë talentin që ka. Ne jemi të emocionuar që e kemi këtu.”
Orsic ka shënuar 13 gola dhe ka asistuar tetë herë në 27 paraqitje për Dinamon e Zagrebit, ku ka luajtur që nga viti 2018.