Turqia vijon të jetë e tronditur pas asaj që ndodhi në fundin e ndeshjes Trabzonspor-Fenerbahçe, të dielën e kaluar. E teksa mysafirët po festonin fitoren e vuajtur 2-3, që i mbante në luftë për titull me Galatasaray-n, një grup i madh radikalësh nga skuadra vendase pushtuan fushën duke i sulmuar dhe futbollistët iu përgjigjën me shkelma dhe grushte.
Thuajse 24 orë nga ngjarja e rëndë, Fenerbahçe ka njoftuar se do të thërrasë Asamblenë e Përgjithshme të Jashtëzakonshme më 2 prillin.
“Vlerësoni veprimet që duhen ndërmarrë, përfshirë tërheqjen e ekipit tonë të futbollit nga Superliga, bazuar në ngjarjet e ndodhura në ndeshjen e 17 marsit 2024 dhe ngjarjet e fundit në futbollin turk.
“Pse po na ndodh kjo? Pse po ndodh kjo me Fenerbahçen? Çfarë bëmë që të ketë një perceptim të tillë ndaj Fenerbahçes? Sot u sulmuam zyrtarisht nga tribuna në të dytën nga fansat. Është hera e parë në jetën time që e përjetoj diçka të tillë”, deklaroi Kartal, trajneri i “Fenerit”.
12 të arrestuar, vijojnë hetimet
Ndërkohë, autoritetet turke kanë marrë masa për këtë çështje. Ministri i Brendshëm njoftoi se po kryhen disa hetime për të identifikuar përgjegjësit e ngjarjes dhe për t’i ndëshkuar.
“Nuk është aspak e pranueshme që dhuna të ndodhë në fushat e futbollit”, deklaroi ai.
Në të njëjtën kohë, Federata Turke e Futbollit njoftoi se do të ketë “sanksione të nevojshme penale për ata që janë përgjegjës për incidentet”. Media lokale flasin, për momentin, për 12 të arrestuar.
Në të njëjtën kohë detajon se lojtarët e Fenerbahçes kanë pritur gati tri orë brenda stadiumit pas ndeshjes, para se të largoheshin. Policia duhej të siguronte më parë të gjitha daljet nga fusha e Trabzonsporit. Sapo doli jashtë, autobusi shkoi direkt në pistë (ku priste avioni për në Stamboll) për të shmangur problemet në aeroport.
Lexo edhe:
- “Jam gati për Europian”, Manaj: Kam rastin që të tregoj veten në miqësore!
- “Besiktasi zgjedhja e duhur”, Muçi: E mendoj veten pjesë të listës, por i takon Sylvinhos
- VIDEO/ Stadiumi kthehet në arenë lufte, dhunohen futbollistët e Fenerbahces
- Calzona largohet nga Napoli, dronat marrin situatën në kontroll te të kaltrit
Infantino dënoi gjithashtu atë që ndodhi: “Dhuna e dëshmuar pas ndeshjes së Superligës së Turqisë midis Trabzonsporit dhe Fenerbahçes është absolutisht e papranueshme: brenda apo jashtë fushës, ajo nuk ka vend në sportin tonë apo në shoqërinë tonë. E kam thënë më parë dhe po e them edhe një herë: pa përjashtim, në futboll, të gjithë lojtarët duhet të jenë të sigurt dhe të mbrojtur për një lojë që sjell kaq shumë gëzim për kaq shumë njerëz në mbarë botën. U bëj thirrje autoriteteve përkatëse të sigurojnë që kjo të respektohet dhe autorët e ngjarjeve tronditëse në Trabzon të mbajnë përgjegjësi për veprimet e tyre.”
