Dy gola në çdo pjesë dhe Chelsea arriti të triumfojë me rezultatin 0-4 në transfertën ndaj modestëve të Brightonit. Kjo ishte edhe fitorja e parë për 2018-ën, e skuadrës së Antonio Contes në kampionat, që e kishte nisur vitin me 2 barazime radhazi.
Në mungesë të Moratës së pezulluar, Chelsea gjeti 2 gola shumë të shpejtë, në minutën e 3-të dhe të 6-të, me anë të Willian dhe Hazard. Belgu shënoi edhe golin e dytë personal në minutën e 77’, ndërsa në fund të takimit, Moses vulosi rezultatin 4-0.
Me këtë fitore, Chelsea barazon të paktën përkohësisht Manchester Unitedin në vendin e dytë, me 50 pikë.
