Milani ka regjistruar një tjetër fitore, teksa këtë herë ka mposhtur me rezultatin 1-0 Sampdorian, një rival direkt për një vend në Europa League. Në ‘San Siro’, vendosi një gol i Bonaventurës në pjesën e parë, që rikuperoi gabimin e zviceranit Rodriguez, i cili humbi një 11-metërsh në fillim të ndeshjes.
Sfida ishte vërtetë spektakolare, me kuqezinjtë që ishin më superior ndaj kundërshtarëve, ndërsa në minutat shtesë Sampdoria pati një mundësi ideale për të barazuar, por u shpërdorua nga Caprari.
Me këtë fitore, Milani barazon Sampdorian në renditje, me 41 pikë dhe në vendin e 6, ndërsa tani rihap sërish shpresat për një vend në zonën Champions, që është vetëm 7 pikë larg.
