Për Mirel Josën ishte një rikthim i vështirë në aspektin emocional në “Selman Stërmasi”, që është stadiumi i shtëpisë së tij dhe i skuadrës së zemrës, që pas rënies së Tiranës në Kategorinë e Parë. Këtë herë Josa ishte kundërshtar me një tjetër skuadër bardheblu, atë të Prishtinës
Ndjesia e rikthimit në “Selman Stërmasi”? Shumë e keqe. Mund të them që është hera e parë që vij këtu që pas stërvitjes së fundit kur kam drejtuar Tiranën para finales së Kupës së Shqipërisë, që e fituam kundër Skënderbeut. Por s’ka shumë rëndësi kjo. Të dyja skuadrave iu shërbeu për të kuptuar gjendjen aktuale.
Duke analizuar më pas miqësoren me Tiranën Josa e pranoi se formacioni i tij është më përpara me përgatitjet për shkak të pjesëmarrjes në Europa League. I pyetur më pas nëse Prishtina do të ishte për vendet e para nëse do të merrte pjesë në Superiore, trajneri Tiranas tha se nuk mund të jepte një përgjigje për këtë, sepse skuadrën e ka përgatitur për garën që e pret në kampionatin kosovar.
