Vijon forma e shkëlqyer e Novak Djokovic në ATP Finals. Në “02 Arena” të Londrës tenisti serb tregoi forcën ndaj Alexander Zverev në vetëm 1 orë 16 minuta lojë, duke e mposhtur rivalin gjerman lehtësisht 2-0 me sete, 6-4, 6-1. Nole është vetëm një hap gjysmëfinaleve, falë fitores së dytë në grupin “Guga Kuerten”.
Në fillim të duelit, Zverev ishte thuajse perfekt. Gjermani ishte shumë pranë suksesit në gejmin e nëntë, por humbi një “break point”. Djokovic u tregua i saktë në shërbim, duke e thyer Zverevin në lojën e 10-të.
Seti i dytë nuk pati shumë histori. Zverev mori vetëm një lojë, duke dështuar në dy momente mundësinë për të fituar gejmet. Përfundoi 6-1 seti i dytë, rezultat që tregoi diferencat mes dy tenistëve.
Edhe në këtë turne final Djokovic po konfirmohet gjithnjë e më shumë në nivelet më të larta.
