Luftëtari gjen pasuesin e Eduart Rrocës. Klubi gjirokastrit është shumë pranë firmës me mesfushorin 29-vjeçar Angelos Chanti. Bëhet fjalë për një futbollist me shumë eksperiencë që gjatë karrierës së tij është aktivizuar në Greqi madje duke realuzuar edhe gola me peshë në Superligën greke dhe në ligën e parë. Chanti i lindur në Greqi nga prindër me kombësi të ndryshme pasi babain e ka jordanez dhe mamanë greke, përpara disa kohësh ka vendosur të pranojë ofertën e përfaqësueses jordaneze teksa numëron 5 takime me këtë kombëtare. Fantazisti sëfundmi është aktivizuar me skuadrën e ligës së parë greke Aittitos Spata ndërsa në të kaluarën ka qenë pjesë e klubeve të tilla si Ergotelis, Iraklis, OFI i Kretës dhe Aris i Selanikut. Me Chantin, Luftëtari do të përforconte shumë mesfushën dhe mbi të gjitha do të kishte në skuadër një lojtar që mund të bëjë diferencën pas një sulmuesi kryesor.
