Flamurtari befasoi në rinisjen e IPKO Superligës në Kosovë, pasi fitoi derbin e kryeqytetit përballë Prishtinës, me rezultatin 2-0. Kuqezinjtë nuk e nisën aspak mirë ndeshjen, pasi në minutën e 22-të mbetën me 10 futbollistë, pas kartonit të kuq ndaj Quansah.
Megjithatë Shilova në minutën e 31-të dhe Krasniqi në minutat shtesë të pjesës së parë, shënuan në portën e Prishtinës, duke i dhënë Flamurtarit avantazhin e dyfishtë.
Rezultati mbeti i pandryshuar deri në fund, pavarësisht përpjekjeve të skuadrës së Prishtinës, që tashmë me këtë humbje, dorëzon edhe kreun e renditjes në favor të Feronikelit.
Këta të fundit, në të njëjtën orë, regjistruan triumfin 0-2 në stadiumin “Përparim Thaçi” të qytetit të Prizrenit, përballë ekipit vendas të Lirisë.
Kastriot Rexha shënoi dy herë në pjesën e parë, duke i dhënë 3 pikët skuadrës nga Drenasi dhe duke e rikthyer në krye të renditjes, në kuotën e 42 pikëve, 2 më tepër se Prishtina.
