Marcelo e ka shprehur hapur dëshirën e tij për tu larguar nga Reali i Madridit dhe për tu transferuar te Juventusi aty ku pret të ribashkohet me Cristiano Ronaldon. Humbja e vendit të titullarit në formacionin e Los Blancos kanë bërë që braziliani të shprehë pakënaqësitë e tij te drejtuesit. Në mënyrë që mbrojtësit të majtë të mos i bier më tepër vlera drejtuesit e Realit janë të gatshëm ta përfshinë në merkato gjatë kësaj vere dhe duke qenë se 30-vjeçari kërkohet me ngulm nga bardhezinjtë e Juves, Reali i Madrit mund tia ofrojë Marcelon kampionëve të Italisë në shkëmbim të Alex Sandros. Duke parë moshën e dy lojtarëve vështirë se Juventusi do të pranojë një shkëmbim kokë më kokë por në futboll kurrë mos thuaj kurrë.
