Drejtuesit e Romës kanë hedhur sytë nga Franca për të gjetur një zëvendësues të Cengiz Under, në rast se talenti turk largohet nga verdhekuqtë. Emri që preferohet më tepër është ai i Florian Thauvin, i cili bëri një sezon shumë të mirë me Marseille. 26-vjecari, i cili pëlqehet edhe nga Interi, ka shënuar 16 gola në Ligue 1, ndërsa ka asistuar në 8 raste të tjerë shënimi. Thauvin u rikthye në “Velodrome” verën e vitit 2018, pasi provoi një aventurë te anglezët e Newcastle, me të cilët asnjëherë nuk arriti të shfaqte më të mirën e tij.
