Elis Bakaj vijon të dhurojë paraqitje mjaft të mira në kampionatin bjellorus, ku luan që prej shkurtit të vitit 2018, me skuadrën e Shakhtar Soligorskut.
Pasditen e sotme, skuadra e tij priti në shtëpi Fc Minskun, në sfidën e vlefshme për javën e 14, të cilën arriti ta fitojë me rezultatin 3-2, ndërsa sulmuesi shqiptar shënoi një dopietë.
Goli i parë e Bakajt erdhi në minutën e 13’ dhe riktheu barazimin 1-1, pasi Minsku kishte kaluar i pari në avantazh, ndërsa goli i dytë ishte ai me vlerën e 3 pikëve dhe u shënua në minutat shtesë me penallti.
Në 14 javët e këtij sezoni, Bakaj ka shënuar 6 gola dhe ka dhënë 5 asiste, ndërsa Shakhtar Soligorsk renditet në vendin e tretë me 31 pikë, 5 më pak se Dinamo Brest që kryeson.
