Eibar ka pritur javën e 6 për të marrë fitoren e parë në kampionat dhe e kë barë këtë në një mënyrë spektakolare, duke përmbysur rezultatin ndaj Sevillas në shtëpi, nga 0-2 në pjesën e parë, në 3-2 në përfundim të sfidës.
Andaluzianët vinin pas humbjes minimale 0-1 ndaj Realit të Madridit dhe ishin të karikuar për të marrë 3 pikët në transfertën e sotme, ndërsa në 45 minutat e para bënë ndeshjen perfekte, duke shënuar dy herë me anë të Ocampos dhe Torres.
Kaq mjaftoi që të besuarit e Julen Lopeteguit ta merrnin lehtë pjesën e dytë, duke menduar se kishin arkivuar tashmë suksesin, por vendasit e Eibar u zgjuan në minutën e 65-të, kur Orellana rihapi takimin pas ekzekutimit të saktë të një 11-metërshi.
Më pas ishte Pedro Leon që shënoi golin e barazimit në minutën e 77’ dhe vetëm 5 minuta më vonë, Cote gjeti golin e fitores, duke “ngritur në peshë” publikun vendas, që iu gëzua kështu suksesit të parë në kampionat.
