Presidenti i Partizanit Gazmend Demi ka dhënë një intervistë për mediat në përfundim të takimit mes “të kuqve” dhe laçit në “Elbasan Arena”, ku përveç ndeshjes së sotme dhe fitores, komentoi edhe vendimin për lënien jashtë të Esat Malës.
Sa i kënaqur jeni me skuadrën, që tani është shkëputur 4 pikë?
Është ende herët, ndaj të shohim. Nuk jemi shumë të shkëputur. Diferenca është e vogël.
Keni filluar të mendoni për derbin?
Ka edhe dy javë kohë për derbin. Kemi ndeshje tjetër përpara.
Pse mungoi Mala?
Patë ndonjë ndryshim juve, meqë mungoi Mala? Ai nuk luajti, sepse nuk doja unë që të luante. Partizani i bën lojtarët dhe Mala është shumë i vogël për Partizanin.
