Bordeaux e nisi sezonin me pretendime të mëdha. Drejtuesit e klubit francez bindën Vladimir Petkovic ta braktiste kombëtaren e Zvicrës pas 7 vitesh. Trajneri nga Sarajeva mori drejtimin e Bordeaux verën e kaluar, por kjo aventurë shkoi shumë keq.
Ekipi ndan me Metz vendin e fundit në Ligue 1, ndërsa klubi dhe Petkovic vendosën ndërprerjen e bashkëpunimit mes tyre më 7 shkurt. Bordeaux ka prezantuar sot trajnerin e ri.
Ai është David Guion, i cili ka firmosur deri në fund të sezonit. Nëse objektivi mbijetesë arrihet, 54-vjeçari mund të vazhdojë të jetë trajner i Bordeaux edhe për sezonin e ardhshëm.
Guion drejtoi Reims në katër vitet e fundit, ekip ku punoi edhe me dyshen dardane: Arbër Zeneli dhe Valon Berisha, teksa do të debutojë në stolin e Bordeaux të dielën përballë Monacos.
“Është koha të bëhemi bashkë për të siguruar qëndrimin në kategori. Ne duhet të krijojmë një bashkim të shenjtë rreth këtij objektivi“, deklaroi trajneri i ri i skuadrës franceze.
[quiz-cat id=”288388”]
