Në pjesën “blu” të Londrës ka qenë një verë me lëvizje të shumta, duke nisur nga ndërrimi i pronësisë së Chelsea-t, për të vazhduar më largimet e afrimet e reja në skuadër.
Mes afrimeve të shumta ishte edhe ai i Wesley Fofana, duke u bërë blerja e tretë më e shtrenjtë në historinë e klubit, dhe ajo e Pierre Emerick Aubameyang.
Dy lojtarë që njiheshin më parë, për këtë duhet të kthehesh një dekadë prapa. Në atë kohë, Aubameyang luante për Saint Etienne, duke qenë një lojtar kryesor në ekipin francez. Atje ai luajti tre sezone (2010/2013) përpara se të lëvizte në Gjermani. Fofana, ende në moshë të vogël, ishte pjesë e akademisë së Saint-Etienne, përpara se të largohej në sezonin 2020-2021.
Saint-Etienne dëshironte të kujtonte kohën kur kanë qenë në një klub dhe ndau përmes rrjeteve sociale një imazh të të dyve së bashku në ambientet sportive.
Tani ata mund ta ndajnë titullin së shpejti, nën logon e Chelsea-t, Fofana tashmë ka debutuar në Stamford Bridge, ndërsa gabonezit do t’i duhet të presë ndeshjet e radhës, ndërsa shërohet nga një frakturë e nofullës.
