Në kampionat mbyll renditjen me 1 pikë dhe zero gola të shënuar, por në Kupën e Shqipërisë, Partizani tregohet i pakursyer ndaj modestëve të Naftëtarit. Pas fitores në Kuçove, 6-2, ekipi i Iulianos ka marrë një tjetër fitore të thellë, plot 7-0 sot në ndeshjen e kthimit, duke u kualifikuar me rezutatin e përgjithshëm 13-2.
Jurgen Bardhi shënoi dopietë, ndërsa golin e gjetën edhe afrimet verore si Xhixhiua, Basrak, Adorjan, Herrera dhe Shahinasi. Naftëtari e mbylli ndeshjen me 10 futbollistë, pas kartonit të kuq të marrë 10 minuta nga fundi.
Partizani do të rikthehet të luajë në kampionat, të hënën e 2 tetorit, ku do të presë Lushnjën në ‘Selman Stërmasi’. Ndeshja do të startojë në orën 17:00 dhe do të transmetohet në Supersport 3.
