Boston Celtics skuadra më e titulluar e NBA vijon formën fantastike në këtë sezon. Pas 2 humbjeve në 2 ndeshjet e para Boston nuk di më të ndalet. Celtics regjistruan fitoren e 8-të radhazi dhe janë padiskutim skuadra e momentit në NBA, teksa kryesojnë Konferencën e Lindjes. Viktima e fundit për 17-herë kampionët ishte Orlando Magic me Bostonin që falë një loje fantastike në grup ku plot 6 basketbollistë arritën një kuotë pikësh me dy shifra, triumfoi me rezultatin e thellë 104-88 brenda në Florida.
Dhuron spektakël edhe Houston Rockets. Skuadra që kryeson Konferencën e Perëndimit iu fal yllit të saj James Harden për të shpartalluar në Toyota Center, Utah Jazz me rezultatin 137-110. Thjeshtë magjik mjekëroshi Harden autori i 56 pikëve ndërsa i ndihmoi teksanët edhe me 13 asiste e 2 rebound. Kishte festë edhe për Los Angeles Lakers që në këtë sezon nuk është edhe kaq sa vitet e kaluara. Për të regjistruar fitoren e 5-të në 10 takime dhe të dytën rradhazi, skuadra kaliforniane iu fal duarve të dyshes, Lopez-Ingram që koleksionuan respektivisht 21 dhe 20 pikë, me Lakers që mposhtën në Staples Center, Memphis Grizliess me shifrat 107-102. Mori fitoren e 6-t në këtë sezon San Antonio Spurs. 21 pikët e LaMarcus Aldridge ndihmuan ekipin e Gregg Popovich për të kaluar lehtësisht në AT&T Center të Texasit, Phoenix Suns 112-95.
