Cleveland Cavaliers largon krizën e fillimsezonit, duke siguruar fitoren e tretë radhazi falë LeBron James. Cavs triumfuan 107 – 115 në parketin e Charlotte Hornets, ku “Mbreti” James shënoi 31 pikë, dha 8 asist dhe kontrolloi 6 topa nën tabelë. Shkëlqeu edhe Kevin Love me 22 pikë dhe 10 rikuperime, duke sfumuar paraqitjen e Michael Kidd-Gilchrist dhe të Kemba Walker, që shënuan respektivisht 22 dhe 20 pikë për Hornets.
Një Russell Westrook normal (21 pikë, 7 asist dhe 5 ikuperime) i mjaftoi Oklahoma City Thunder për të mposhtur 92 – 79 Chicago Bulls. Një fitore që shërben si oksigjen për renditjen e përgjithshme, me Oklahoman që mbetet gjithsesi jashtë zonës play off.
Vijon sezoni i shkëlqyer i Minnesota Timberwolves, që kaloi 98-86 i San Antonio Spurs, duke shfrytëzuar formën e mirë të Karl-Anthony Towns, që shënoi 26 pikë dhe rikuperoi plot 16 topa nën tabelë.
Shpërthen Toronto Raptors ndaj New Orleans Pelicans me rezultatin 116-125, falë 22 pikëve dhe 11 rikuperimeve të Kyle Lowry. 25 pikë shtoi për Raptors edhe DeMar DeRozan, për ta bërë të pavlefshme provën e mirë të DeMarcus Cousins, që shënoi 25 dhe kontrolloi 9 topa për Pelicans.
Gjithsesi, paraqitja më mbresëlënëse ishte ajo e Joel Embiid, që shënoi plot 46 pikë dhe rikuperoi 15 topa në fitoren 109 – 115 të Philadelphia 76ers ndaj Los Angeles Lakers. Në takimet e tjera Atlanta Hawks shkatërroi Sacramento Kings 126-80, Miami Heat u mposht në shtëpi nga Washington Wizards 93-102, News York Kniks iu imponua 106-101 Utah Jazz, Memphis Grizzlies u mposht nga Indiana Pacers 113-116, Milwaukee Bucks fitoi me vështirësi me Detroit Pistons 99-95, sikurse Portland Trail Blazers triumfoi ndaj Orlando Magic 99-94.
Atlanta Hawks-Sacramento Kings 126-80
Miami Heat-Washington Wizards 93-102
Neë York Knicks-Utah Jazz 106-101
Charlotte Hornets-Cleveland Cavaliers 107-115
Memphis Grizzlies-Indiana Pacers 113-116
Milwaukee Bucks-Detroit Pistons 99-95
Minnesota Timberwolves-San Antonio Spurs 98-86
New Orleans Pelicans-Toronto Raptors 116-125
Oklahoma City Thunder-Chicago Bulls 92-79
Portland Trail Blazers-Orlando Magic 99-94
Los Angeles Lakers-Philadelphia 76ers 109-115
