Mario Mandzukic dukej shumë pranë largimit nga bardhezinjtë, por sulmuesi duket se do të qëndrojë te Juventus të paktën deri në janar, kur hapet edhe sesioni i merkatos në pjesën më të madhe të kampionateve.
Kroati ishte shumë pranë kalimit në Katar, fillimisht te skuadra e Al Garaffa e më pas te Al Rayyan. Pikërisht këta të fundit ishin ende në garë për 33-vjeçarin, por me anë të një njoftimi në Twitter ata kanë deklaruar se kanë hequr dorë përfundimisht nga sulmuesi.
Mandzukic nuk po gjen hapësira me uljen e Sarrit në stolin e bardhezinjve, ndërkohë që ish-sulmuesi i Atletico Madridit e Bayernit preferon një kalim në Premier League.
