Kupa e Shqipërisë për vajza ngriti të dielën siparin e edicionit të 15-të me katër ndeshjet e para të fazës çerekfinale. Takimi i parë ishte Tirana-Lushnja. Vajzat bardheblu triumfuan me rezultatin e thellë 16-0! Tirana realizoi gjashtë gola që në pjesën e parë të takimit, ndërsa në fraksionin e dytë u shënuan edhe dhjetë gola të tjerë.
Pas kësaj fitoreje, Tirana duket se ka siguruar një biletë për në gjysmëfinale. Vllaznia-Gramshi ishte ndeshja e dytë, që startoi në orën 12:00. Vajzat shkodrane fituan me rezultatin 2-0. Golat u realizuan në pjesën e parë. Vllaznia ka hedhur një hap të sigurt drejt gjysmëfinaleve.
Lexo edhe:
- Djali i legjendës: E di kush ma vrau babanë, do të luftoj për drejtësinë
- Nuk jep shenja jete në Arabi, Benzema mund te bëhet partner i Brojës në sulmin e Chelsea-t
- “Nxiti urrejtje dhe armiqësi”, arrestohet futbollisti izraelit në Turqi
- Një ish-kapiten verdhekuq për të zëvendësuar Mourinhon
Një rezultat me goleadë mori edhe Apolonia, duke mundur Laçin me shifrat 11-1! Një sfidë që foli vetëm për fieraket, teksa vetëm në pjesën e parë realizuan nëntë gola. Edhe Partizani fitoi ndeshjen e parë të fazës çerekfinale të Kupës së Shqipërisë.
Vajzat e kuqe mundën 2-0 Kinostudion, me nga një gol për secilën pjesë. Duelet e kthimit do të luhen të dielën e 21 janarit, nga ku do të përcaktohen edhe 4 ekipet gjysmëfinaliste të këtij edicioni.
Rezultatet e ndeshjeve të turit të parë eliminator
Tirana-Lushnja 16-0/ Lushnja-Tirana (21 janar)
Vllaznia-Gramshi 2-0/ Gramshi-Vllaznia (21 janar)
Apolonia-Laçi 11-1/ Laçi-Apolonia (21 janar)
Partizani-Kinostudio 2-0/ Kinostudio-Partizani (21 janar)